CONMEMORACIÓN DOS 140 ANOS DO NACEMENTO DE CASTELAO (Rianxo, 31-01-2026)

 

Unha representación da Mesa das Verbas, Ramón Torrado (Vicepresidente) e Luismi (socio), convidados polo Coordinador Nacional do Partido Galeguista (PG), Chesqui, asistiron en Rianxo a unha homenaxe e ofrenda floral a Castelao co gallo do 140 aniversario do seu nacemento.

Castelao, un home e un artista íntegro, que é espello e icono dos galegos "bos e xenerosos", el entregou a súa vida e a súa obra para soerguer á nosa amada Galicia.

Grazas aos compañeiros e amigos Torrado e Luismi por ostentar tan excelentemente a representación de todos nós, os compoñentes da Mesa das Verbas neste emotivo acto e gracias a Chesqui e ao PG por elixirnos como compañeiros para estar presentes nesta efeméride tan importante.

Referencia en LA VOZ DE GALICIA:

https://www.lavozdegalicia.es/noticia/barbanza/rianxo/2026/02/01/rianxo-pon-valor-eterno-legado-castelao/0003_202602B1C6992.htm

V CONCURSO DE CONTOS DE NADAL - 2025 - PREMIADOS

 PRIMEIRO PREMIO:

Brais Felipe Rodríguez por A NOITE DOS FAROLIÑOS

SEGUNDO PREMIO:

Sergio Martínez Calvo por BICOS Ó CEO

TERCEIRO PREMIO:

Xosé Castro Ratón por SEN CÓDIGO DE BARRAS

Parabéns a todas as autoras e a todos os autores dos 32 contos presentados a concurso e en hora boa aos tres autores premiados.

O acto de entrega de premios será o venres 23 de xaneiro de 2026, a partires das seis da tarde na Sala Multidisciplinar do Centro Comercial Arousa de Vilagarcía. Estades todos convidados a asistir.

No acto os autores lerán os seus contos e contaremos co acompañamento musical da pianista e poeta Raquel Senín Sánchez. 

TRABALLOS PREMIADOS NO V CONCURSO DE POESÍA EN LINGUA GALEGA XAQUINA TRILLO

    

 Reunido o Xurado do Concurso, o martes 16 de decembro de 2025, na Sala de Xuntas do Centro Comercial Arousa de 11:00 h. a 14:00 h., emitiu o seguinte fallo inapelable, segundo consta nas bases que se deron a coñecer publicamente:

PRIMEIRO PREMIO:

Manuel López Rodríguez de Noia por A ESTANCIA BALEIRA

SEGUNDO PREMIO:

Luis González Bravo "Lois do Salnés" de Vilagarcía de Arousa por MAR DE AROUSA

TERCEIRO PREMIO:

Xian Lois Alcayde Dans de A Coruña por ENTRE AS ONDAS

Por ser un tema curioso e orixinal a xeito de caligrama, CARTOGRAMA, concedeuse un accésit, dotado cun vale de 25 € a:

Adolfo Caamaño Vázquez de Barro por CARTOGRAMA...

Grazas e parabéns ás autoras e aos autores dos 50 traballos presentados a concurso e especialmente a todos os premiados.

Tamén manifestar a nosa gratitude a todas as institucións e entidades que nos prestaron o seu apoio. Dun xeito moi especial á Deputación Provincial de Pontevedra, ao Concello de Vilagarcía de Arousa e ao Centro Comercial Arousa. 

Agardamos poder convocar o VI Xaquina Trillo para o próximo ano 2026.

O Xurado estivo formado por:

PRESIDENTE: Germán Manuel Torres de Aboal pola Mesa das Verbas.

SECRETARIO: Carlos Varela Ulla polo Concello de Vilagarcía de Arousa.

VOGAL: Begoña Fernández Lorenzo pola Deputación Provincial de Pontevedra.

VOGAL: Luis González de la Ballina González polo Centro Comercial Arousa.

En breve, convocarase aos medios de comunicación a unha rolda de prensa para falar polo miúdo e ampliar datos sobre a presente V edición deste concurso poético.

A ESTANCIA BALEIRA

Manuel López Rodríguez

                                                                                        ...e mentres estaba alí sentada, incapaz de decidir,

                                                                                           os figos comezaron a se engurrar e a negrexar...

                                                                                                                                                    Sylvia Plath

MAR DE AROUSA

Luis González Bravo

ENTRE AS ONDAS

Xian Lois Alcayde Dans

CARTOGRAMA...

Adolfo Caamaño Vázquez

CONCURSO DE CONTOS DE NADAL - 2025

 

Sorte no concurso

BO NADAL E FELIZ ANINOVO 2026!

Moita saúde e moita poesía!

RESEÑA NO DIARIO DE AROUSA, 14/12/2025

PARLADOIRO - COLOQUIO: Discapacidade e discapacidade en Vilagarcía de Arousa

 

O diluvio que caeu en Vilagarcía o día 5 deste mes de decembro, non impediu que cinco valentes acudiran ao parladoiro celebrado, en esta ocasión, no bar Novas Carolinas.

Marcelino Romero fixo a proposta de tratar un tema de moito interese sobre a discapacidade. Chegamos a conclusión de que ese termo non é moi axeitado xa que todos somos discapacitados en maior ou menor grao, mellor e falar das distintas necesidades de todo tipo que presenta calquera ser humano e que todos temos o noso lugar na sociedade, unha sociedade que ha ser por necesidade inclusiva. Aquí cabemos todas e todos. Debemos ser acolledores, empáticos, respectuosos. Superando todo tipo de barreiras e muros que nos separen.

E falando de barreiras arquitectónicas na nosa querida cidade de Vilagarcía de Arousa hai moito que mellorar e respectar toda a lexislación e normativas sobre o tema. Primeiro, nos edificios e instalacións públicos e en centros de atención e servicio a cidadanía como locais de hostalaría, comercios, oficiñas.

No deseño de rúas e prazas evitar e sinalar obstáculos, semáforos con sinais auditivas, colocación de rampas, arranxo de baldosas e elementos do mobiliario urbano deteriorados, colocación de pictogramas e axeitados paneis con todo tipo de informacións. Cumprimento das normativas sobre circulación de bicicletas e patinetes, máis presencia da policía local nas rúas e prazas da cidade. Para pemitir que persoas con necesidades especiais poidan circular e desfrutar da cidade como calquera outro cidadán. Cidades amables para os cidadáns na liña do que preconiza o pedagogo italiano Francesco Tonucci.

E Xermán Torres lembrou e falou da súa experiencia coa asociación AUXILIA, que funcionou con notable éxito en Vilagarcía a finais da década dos 70 e na década dos 80 do pasado século. E que pretendía facer visibles e facer valer os dereitos das persoas discapacitadas, ou con necesidades específicas de apoio, que naqueles anos eran nomeadas con apelativos pouco recomendables e dignos de esquecer. 

Trátase dun tema que debemos recuperar nos nosos parladoiros semanais.

70º NORTE de Xaime Toxo

 

CLVI MESA DAS VERBAS, 21-11-2025